REDUCE

Contribúe á economía circular
reduce-00

No Concello do Rosal prodúcense diariamente máis de 7.000 kg de residuos sólidos urbanos, entre os que podemos atopar ademais de materia orgánica, papel e cartón, plásticos ou vidrio, entre outros.

Un dos piares da economía circular é a redución, redución do uso de materias primas e redución do consumo de enerxía grazas a un mellor aproveitamento dos recursos naturais e a incorporar os residuos ao ciclo produtivo.

Tendo en conta que o mellor residuo é aquel que non se xera, podes contribuír á redución na produción de residuos aplicando no teu día a día pequenas accións como as que podes ver a continuación.

1. AFORRA ENERXÍA

Lembra desconectar os aparellos eléctricos cando non os utilices: televisión, ordenadores, radio, etc.

Aproveita a luz natural sempre que sexa posible e non acendas as luces que non precises. Substitúe as lámpadas da casa por lámpadas led.

Non deixes o cargador do móbil conectado á rede se non estás cargando o teléfono.

Cando poñas a calefacción ou o aire acondicionado lembra ter as fiestras da casa pechadas e acendelos a temperaturas confortables: nin demasiado altas no caso da calefacción nin baixas no do aire acondicionado.

2. REDUCE AS EMBALAXES

reduce-02a

CAFÉ PARA LEVAR CON VASO REUTILIZABLE

O café que fan no bar está delicioso pero, se non tes tempo para poder tomalo alí mesmo e vas pedir un “café para levar”, utiliza a túa propia taza ou vaso de casa. Se prefires que teña tapa por non correr o risco de verter accidentalmente o contido do café, á venda hai vasos – termo coas medidas idóneas para colocar debaixo da cafeteira. Iso si, comproba que non sexan demasiado grandes para que poidan servircho directamente nel.

EMPREGA ENVASES TIPO AFORRO

Diminúe os envases decantándote por opcións Aforro. Á hora de mercar produtos con embalaxe, escolle as opcións de maior tamaño ou cantidade. xa que, por exemplo, mercando un paquete de pasta de 1kg xeraremos menos residuo que mercando dous de 500 g. O mesmo ocorre co resto de produtos. E se estás pensando “eu prefiro mercar paquetes pequenos para que non se me estraguen os alimentos” lembra que, coa meirande parte dos produtos, o que non consumas ao abrir o paquete, podes gardalo nun bote de vidro para outra ocasión.

reduce-02b
reduce-02c

COMPRA MENOS EMBALAXES

Reduce as embalaxes, botes e caixas nas túas compras:

BOTELLAS DE VIDRO PARA A AUGA

En lugar de empregar botellas de plástico para gardar a auga, podemos empregar botellas de vidro. Son duradeiras, moito máis sinxelas de lavar en profundidade e máis inertes, polo que todo son vantaxes.

Algunhas alternativas son:

reduce-02d
reduce-02e

MENOS FILME TRANSPARENTE

Estás preparando a comida e queres gardar esa media cebola que non empregaches pero non queres usar filme transparente…

FROITA E BOCATA SEN EMPREGAR PAPEL DE ALUMINIO NIN BOLSAS PLÁSTICAS

No lugar de levar a merenda nunha bolsa de plástico ou envolta en papel de aluminio ou filme transparente hai moitas opcións:

reduce-02f
reduce-02g

REEMPREGA OS BOTES

Reemprega os botes de vidro de alimentos como legumes cocidos, conservas… para gardar o café, froitos secos, arroz… Podes empregalos tal cal, pintalos ou decorar as tapas para que queden máis bonitos.

Algunhas alternativas son:

REEMPREGA OS BOTES

Queres mercar carne, peixe, embutido pero non queres levar bandexas de polispán, filme transparente, ou papel de envolver para a casa? Algúns establecementos permítenche facer a compra levando ti o teu propio envase. Pregunta á persoa do establecemento se podes facelo e, de ser así, leva o teu recipiente de vidro (preferiblemente) cando vaias mercar o peixe, carne ou calquera outro produto.

reduce-12
reduce-10

ADEUS PALLIÑAS

Dille adeus ás palliñas dun só uso. A mellor opción é sempre a de beber apoiando os beizos no vaso pero se precisas empregar palliñas, no mercado hai alternativas feitas de bambú ou palliñas metálicas reempregables.

3. REDUCE O CONSUMO DE RECURSOS

reduce-03a

REDUCE O PAPEL

Evita imprimir cousas innecesarias. Elixe o formato dixital sempre que sexa posible. Coas compañías de teléfono, electricidade e outros servizos solicita a factura electrónica, recibirala no correo electrónico que desexes e reducirás o papel da factura, o da propaganda que moitas veces a acompaña e o do sobre.

Reemprega os papeis usados por unha soa cara para tomar notas, debuxar…

Co papel xa empregado polas dúas caras pódese facer papel reciclado.

E xa por último, se vas tirar o papel LEMBRA, AO CONTEDOR AZUL!

APROVEITAR A AUGA FRÍA DA DUCHA

Nos días fríos de inverno agradécese unha ducha ben quentiña. Non obstante, a auga é un recurso esencial para as nosas vidas que non debemos desperdiciar polo que é unha mágoa que un ben tan prezado, e moitas veces pouco valorado, escape polo desaugue abaixo. Cando abras a billa e esteas deixando correr a auga agardando a que saia morna, coloca un caldeiro, unha botella ou algún recipiente no que poder recollela. Emprega esa auga para regar as plantas, fregar o chan… e contribúe a non desperdiciar un recurso tan valioso.

reduce-03b
reduce-03c

NA CASA PANOS DE TEA

Cambia os panos de papel de un só uso por panos de tea. Deste xeito reducirás moito residuo e aforrarás cartos.

PILAS RECARGABLES

Ao longo da nosa vida empregamos infinidade de pilas, xa que a gran maioría dos nosos aparellos do fogar precisan delas. Por que utilizar pilas desbotables cando podemos mercar pilas recargables? O medio ambiente agradecerá este xesto, pero o teu peto tamén, xa que o custe que teñen compénsase axiña cun par de recargas.

reduce-03d
reduce-03e

PRODUTOS DE HIXIENE ÍNTIMA

Ao longo da vida, as mulleres empregan miles de tampóns, compresas e salvaslips. Estes residuos son altamente contaminantes, xeran gran cantidade de residuos que enchen os contedores e percorren centos de quilómetros antes de ser incinerados e ademais, hai persoas que incluso os desbotan polo retrete ocasionando múltiples problemas no sistema de saneamento das augas residuais.

Para ter unha menstruación máis sostible, no mercado hai diferentes alternativas como son a copa menstrual, as bragas menstruais e as compresas e salvaslips de tea. Empregando este tipo de alternativas redúcese moitísimo a cantidade de lixo que se xera durante cada menstruación.

ALTERNATIVAS ÁS TOALLIÑAS HÚMIDAS

As toalliñas húmidas, descubrimento moi práctico que se está convertendo no gran problema do saneamento. Moitas persoas empregan toalliñas húmidas que logo desbotan no lixo, no mellor dos casos, ou no váter. Algunhas como as que acompañan certas compresas indican que poden ser desbotadas dese xeito.

A realidade é que as toalliñas ocasionan moitos atascos na rede de saneamento provocando a saída de augas fecais polos rebosadeiros. Isto supón un grande impacto ambiental que ademais ten un gran custo económico engadido xa que, cada vez que isto ocorre, hai que investir cartos para retirar o atasco e que a rede de saneamento poida volver a funcionar con normalidade.

Algunhas alternativas:

reduce-03f
reduce-08

PARA DESMAQUILLARSE TOALLIÑAS DE ALGODÓN

Emprega toalliñas de algodón lavables para desmaquillarte no lugar de discos de algodón desbotables ou esponxas. As toalliñas son moi prácticas, poden lavarse (co que reducimos os residuos xerados) e duran moitos anos. Ademais de mercalas, podes fabricalas ti mesm@ e personalizalas empregando as telas que mais che gusten.

ALTERNATIVAS AOS BASTONCIÑOS DOS OUVIDOS

Os bastonciños dos ouvidos son altamente nocivos para o medioambiente xa que en moitas ocasións son desbotados polo retrete e acaban enchendo de plástico os nosos mares. No mercado existen diferentes alternativas: bastonciños co pau de cartón, conos de cera de abella ou opcións feitas con bambú. Proba a opción que mais che convenza e, se aínda empregas bastonciños con pau de plástico, lembra tiralos sempre na bolsa do Resto (colector verde).

reduce-07
reduce-11

CEPILLOS (DO PELO, DE DENTES, …)

No mercado hai diferentes alternativas aos peites e cepillos de plástico feitas de madeira, con cordas naturais, etc. No mercado hai cepillos de dentes de bambú, madeira, e outros materiais mais comprometidos co medioambiente. Empregando o cepillo eléctrico xérase menos cantidade de refugallo en cada recambio que cos cepillos de dentes de plástico pero, ao remate da súa vida útil, acabaremos tendo tamén o residuo dun pequeno aparello eléctrico para xestionar.

FILTROS NAS BILLAS

Reduce as botellas de plástico e bebe auga da billa. Se non che gusta o sabor da auga da billa da túa casa, coloca algunha das opcións de filtros dispoñibles do mercado. Se non podes ou non queres facer esa inversión (que a longo prazo son moito máis rendibles que mercar botellas e a curto prazo moito mais sostibles) hai alternativas mais económicas como xerras filtrantes, filtros de carbón activado, o binchotan ou outras.

reduce-09
reduce-13

ALTERNATIVAS ÁS ESPONXAS

Para a ducha, no lugar de empregar esponxas de plástico pódense empregar as de lufa. Na cociña podemos substituír o estropallo por unha esponxa de lufa, de esparto ou cepillos de madeira.

4. FABRICA OS TEUS PROPIOS PRODUTOS

XABÓN CASEIRO

reduce-04a

Medidas de protección

Ingredientes e materiais

Preparación

  1. Botar a sosa sobre a auga (nunca ao revés) e remexer con coidado pois saen vapores. Esperar ata que baixe a 40°.
  2. Quecer a “baño María” nun cunco de cristal ou nun cazo o aceite de oliva e de coco, ata que acaden os 40°.
  3. Pasar o batedor nos aceites e engadir a sosa con coidado. Seguir batendo ata que estea espeso como a maionesa.
  4. Engadir o aceite esencial e as flores e botar nos moldes.
  5. Pasadas 24-48 horas desmoldar e deixar curar 1 mes o xabón antes de usalo.

DESODORANTE CASEIRO

reduce-04b

Nota:

A baixas temperaturas, o aceite de coco solidifica polo que pode ser necesario aplicar calor coa man ou coa propia axila para derreter un pouco o desodorizante e poder aplicalo.

Ingredientes

Preparación

  1. Colocar un cunco a “baño María” e engadir a maicena, o aceite de coco e o bicarbonato.
  2. Remexer ata acadar unha pasta homoxénea e sen grumos.
  3. Retirar do baño María, engadir 5 pingas de aceite esencial, remexer e meter nun bote.

PAPEL RECICLADO

reduce-04c

Materiais

Preparación

Cortar coas mans o papel xa escrito polos dous lados en anaquiños pequenos. Por exemplo, dun folio facer 8 anacos.

24 horas antes da sesión deixar en remollo os anacos de papel nun tinón ou capacho.

Durante a sesión de confección de papel:

  1. Bater o papel cun trade cunha broca que se pode facer, que teña aspas para triturar o papel. Non debe usarse un batedor, porque é fácil que se queime.
  2. Pasar a pasta producida a unha bandexa.
  3. DuPasar a pasta por unha peneira. Vale calquera que teña buracos finos. Tamén pode facerse, coma a da foto, tamaño folio cunha malla metálica.
  4. Pasar a peneira coa pasta a outra bandexa e secala con panos que absorban a auga, como as baetas. Depositar a pasta nun pano que absorba ben a auga. Pode ser un anaco de toalla.
  5. Sacar a pasta con coidado, entre dúas persoas, e deixala noutra bandexa, unhas enriba das outras. Poñer un peso por riba, por exemplo, colocar un plástico grande por debaixo duns cantos libros gordos.
  6. Deixar secar primeiro de xeito horizontal.
  7. Ou de xeito vertical.
  8. Unha vez seco, o papel despégase perfectamente do pano.

5. OUTROS CONSELLOS

reduce-05

ESMAGA OS ENVASES

Os envases de plástico, aínda que pesan pouco, ocupan moito, enchendo moi rápido o colector amarelo. Podes contribuír a non saturar este colector dos seguintes xeitos:

É recorda… Únete ao cambio!

MANUALIDADES PARA OS MÁIS PEQUENOS

LIXIBOL

reduce-06a

Materiais

Este xogo pode facerse empregando calquera outro recipiente con asa baleiro e tomará o nome do contido orixinal do envase, por exemplo, se o bote era de suavizante chamarase Suavibol, etc.

Preparación

  1. Corta a base do recipiente diagonalmente.
  2. Se non tes unha pelota pequena a man, podes facer unha enroscando calcetíns, papeis, globos, etc.
  3. As persoas xogadoras (mínimo dous) teñen que colocarse separadas unhas das outras. Trátase de tirar e encestar a pelota empregando unicamente o bote!

XOANIÑAS CON NOCES

reduce-06b

Materiais

Nota: Coas noces poden facerse infinidade de manualidades: xoaniñas, arañas, barcos… Deixa voar a túa imaxinación e crea!.

Preparación

  1. Abre as noces pola metade e come o de dentro.
  2. Recorta as cartolinas facendo a forma das patas da buxaniña.
  3. Pinta as noces coas cores das xoaniñas.
  4. Pega as noces sobre a cartolina!

FLORES CON CD´S

reduce-06c

Materiais

Preparación

  1. Recorta as cartolinas facendo a forma das patas da buxaniña.
  2. Transferir a flor á cartolina ou ao material que se elixa e recortala.
  3. Abrir o compás a 2,8 cm e facer un nariz de cartolina de cor.
  4. Pegar a flor detrás. Pechar o buraco fixando o nariz e pegar os ollos movibles.
  5. Pintar unha cara graciosa sobre o CD co permanente e deixalo secar.
  6. Fixar na parte posterior do CD un anaco de cinta para colgar.