Se xa non o queres, intercambia. Neste espazo web, ao igual que no edificio que o Concello do Rosal creará na rúa Cumieira, atoparás todas as opcións para poder darlle unha segunda vida a todos aqueles obxectos que xa non queres.
Ofrecémosche diferentes posibilidades para alongar a vida útil dos teus obxectos e xerar menos residuos.
Intercambia o que xa non queres con outros rosaleiros e rosaleiros por cousas que precises, fomentando un consumo responsable e consciente e facilitando un modelo de economía circular máis sostible.
Dalle unha segunda vida as cousas que xa non utilices, súmate ao intercambio de obxectos. No centro municipal da rúa Cumieira haberá espazo para o intercambio de distintos materiais, un sistema co que camiñamos cara un modelo de economía circular e cara dinámicas de consumo máis sostibles.
O Concello do Rosal puxo en marcha e administra un grupo de Facebook aberto a toda a veciñanza para fomentar o intercambio de enseres e obxectos entre todas as persoas interesadas. Participar é moi sinxelo: entra no grupo, faite membro e comeza a compartir aquelas cousas que queiras dar ou intercambiar e a ver outras nas que poidas estar interesadx. Únete!
Véndese ou cámbiase violín de 3/4 en bo estado por teclado. Ten 3 anos de uso e foi reparado dunha rotura no clavixeiro. A venta inclue violín, estuche e arco.
Bicicleta infantil para nenos de máis de 2 anos. Non ten pedales e leva freo e pata. As rodas son como as das bicis normais, con cámara.
O estado de conservación é moi bo e ten dous anos e medio de uso.
Na zona de o Baixo/Alto Miño entrégase en mán; a máis distancia consultar. No caso de non entregar en mán, os portes serían a cargo comprador.
Prezo 30€ ou cambio por algo de interese